اعرف إزاي تتكلم باللهجة البريطانية والأمريكية مع تيمبو 1

تعليم اللغة الانجليزية من المنزل

أهلًا بيكم ورجعتلكم من تاني عاملين إيه؟
وحشتوني جدًا ^__^ وعلشان تفاعلكم الدائم معايا وحبكم في تعلم اللغة الإنجليزية وتطوير نفسكم ومستواكم فيها فأنا جايبلكم النهاردة مقال مميز  😉




لما بنيجي نتعلم لغة إنجليزية بنلاقي نفسنا عندنا أسئلة كتير جدًا وفي حيرة شديدة ?
نتعلم إنجليزي أمريكي ولا إنجليزي بريطاني؟
إيه فيهم أهم؟
وإيه فيهم أسهل من التاني؟
ويا ترى هل الفرق بينهم كبير لدرجة أنه ممكن يلخبطني وأنا بتعلم اللغة الإنجليزية؟ 🙁

learn english Online
learn english Online

في الدول العربية عندنا لغة عربية فصحى ولهجة عامية ولهجة خليجية .. إلخ وحتى في مصر نفسها في لهجة إسكندراني ولهجة بورسعيدي ولهجة صعيدي 😉

نفس الحال في اللغة الإنجليزية هو زيه زي كل دول العالم هتلاقي فيه لهجات بعدد الدول والمدن كمان اللي بتستخدمه لكن أشهر لهجتين معتمدتين اللهجة البريطانية واللهجة الأمريكية

طبعًا معرفة الفرق بين اللهجتين البريطانية والأمريكية هو شيء مهم جدًا علشان تتعلم وتتكلم لغة إنجليزية بشكل سليم زي المتحدثيين الأصليين للغة native speakers 😀




لكن الاختلافات بينهم بسيطة في طريقة النطق وقواعد اللغة فقط ومتلخبطش لان الاتنين في الأول وفي الآخر لغة إنجليزية. 🙂

هديكم أكتر من مثال عن الفروقات بين اللهجة البريطاني والأمريكي

أولًا: الفرق بين اللهجتين البريطانية والأمريكية في طريقة كتابة كلمات اللغة الإنجليزية ^^
كلمة لون ساعات بتتكتب Color وساعات بتتكتب Colour وبنفضل نتخانق بقى مين كاتبها صح -_-
رغم إن الكلمتين صح
Color بتتكتب بالشكل ده في اللهجة الأمريكاني
Colour بتتكتب بالشكل ده في اللهجة البريطاني
وكذلك في كلمة مركز
لو باللهجة البريطانية بتتكتب centre
لو باللهجة الأمريكية بتتكتب center

ساعات بقى بيكون الاختلاف مش مجرد في ترتيب أو عدد الحروف لا ده الكلمتين مختلفين خالص بس بيدوا نفس المعنى زي 😮
movie معناها فيلم باللهجة الأمريكية
film معناها فيلم بردو بس باللهجة البريطانية


ثانيًا: الفرق بين اللهجتين البريطانية والأمريكية في طريقة نطق كلمات اللغة الإنجليزية ^^

وزي أي لهجة في أي لغة في العالم، الإنجليزي البريطاني بيختلف عن الإنجليزي الأمريكي في نطق بعض الكلمات والحروف.
والفرق في النطق هو أكتر حاجة بتظهر لما تيجي تتكلم بالإنجليزي مع الأجانب أو مع ناس بتعرف إنجليزي كويس
ممكن الفرق الواضح اللي ناس كتير ملاحظاه هو إن اللهجة البريطاني رسمية أكتر (formal) زي اللغة العربية الفصحى عندنا
أما اللهجة الأمريكية عامية شوية هي الدارجة في الأفلام والأغاني الأجنبية زي اللهجة العامية عندنا 🙂

ده فيديو حلو هيوضحلك أكتر كلامي عن الفرق في النطق بين اللهجة البريطانية واللهجة الأمريكية في اللغة الإنجليزية


كمل معايا المقال ده يا صديقي علشان تعرف معلومات أكتر عن الفروقات بين اللهجة البريطانية واللهجة الأمريكية والمفروض تختار أنهو لهجة منهم وعلى أي أسس هتختار اللهجة؟ ^__^

 

لتكملة قراءة الجزء الثاني من المقالة اضغط بالاسفل ???

اختبر مستواك في الإنجليزي من هنا: http://bit.ly/Placement-English-Test
تعليم اللغة الإنجليزية




.

One Reply to “اعرف إزاي تتكلم باللهجة البريطانية والأمريكية مع تيمبو 1”

Leave a Reply

Your email address will not be published.