رأي الحكيم تيمبو في امتحانين IELTS و TOEFL ومين أفضل؟ 1

تعليم اللغة الانجليزية من المنزل

 هي البيضة جت الأول ولا الفرخة؟ ??
من الأسئلة الوجودية اللي بنسألها لنفسنا بعد 12 بالليل ومش بنلاقيلها إجابة ??
ضيف عليهم كمان السؤال اللي محير شعب بحاله
آخد امتحان TOEFL ولا امتحان IELTS؟ ?
ولا أخد أي واحد فيهم مش فارقة! ?
ولا ماخدتش أي واحد منهم وأريح دماغي وآخد بعضي وأمشي ?
طب مين الأفضل والمطلوب ف سوق العمل؟ ?الحقيقة برغم فطنتي وحكمتي ^__^ إلا إني معرفش إجابة الأسئلة دي ولا في حد يعرفها :(لكن اللي أعرفه إني هقولك الفرق بين كل واحد
منهم وأنت في نهاية المقالة هتحدد إيه الأنسب ليك :Dيلا نبدأ..




في البداية خلينا متفقين إن الامتحانين مهمين جدًا لقياس مستواك في اللغة الإنجليزية بصفتها مش لغتك الأم دي لغتك التانية بعد اللغة العربية.. ولو رايح أي دولة ناطقة باللغة الإنجليزية سواء لدراسة أيًا كان تخصصها.. أو شغل .. أو منحة .. أو هجرة فتأكد إنك هتحتاج تمتحن واحد من امتحانين امتحان TOEFL وامتحان (IELTS (y

لكن كل واحد منهم ليه قصة هحكيهالكم.. ^^

امتحان TOEFL وامتحان IELTS الاتنين معترف بيهم من أغلب الجهات عالمياً سواء جهات عمل أو جهات دراسية وغيره من الجهات المختلفة العالمية
بالتالي هدفك هو اللي هيحدد أنت محتاج تاخد أنهو امتحان فيهم .. الموضوع لازم يكون محسوب مش عشوائي يا صديقي 😉

هديك مثال علشان الدنيا توضح معاك أكتر:
لو بتفكر تكمل دراسة أو تشتغل في بريطانيا وأستراليا فالانسب ليك امتحان الـ IELTS ..
طب لو أنت من أنصار الحلم الأمريكي هقولك لا يا صاحبي أنت خد المفروض تاخد امتحان TOEFL

إيه هو امتحان IELTS؟

learn english Online
learn english Online

الأيلتس هو اختصار ل (International English Language Testing System )، وهو عبارة عن اختبار لقياس قدرتك على التواصل باللغة الإنجليزية وهو اثبات على ان مستواك في اللغة الإنجليزية كويس وتقدر تتعامل وتتكلم باللغة الإنجليزية مع أهل البلد اللي هتروحلها سواء كان هدفك من الزيارة دي عمل أو هجرة أو منحة أو دراسة أو غيره




وامتحان الأيلتس شامل لكل مهارات اللغة الإنجليزية وهم: (تحدث Speaking – كتابة writing – استماع listening – قراءة reading) 😀

إيه هو امتحان التوفل ؟

learn english Online
learn english Online


التوفل هو اختصار لـ (Test Of English as Foreign Language)، يعني امتحان في اللغة الإنجليزية “كلغة ثانية” .. وهو امتحان هدفه تقييم اجادة الأشخاص المتقدمين للغة الإنجليزية وبالتالي إجادتهم للتعامل مع المقررات الدراسية باللغة الإنجليزية لو غرضهم من الزيارة للخارج الدراسة
وامتحان التوفل شامل لكل مهارات اللغة الإنجليزية وهم: (تحدث Speaking – كتابة writing – استماع listening – قراءة reading) 😀

مين بيعترف بشهادة الـ IELTS؟
المؤسسات التعليمية في المملكة المتحدة واستراليا ونيوزيلندا وهونغ كونغ وايرلندا وجنوب إفريقيا، وعدد كبير من الهيئات المهنية في جميع أنحاء العالم،  وكمان دائرة الهجرة في نيوزيلندا، والمجلس الطبي العام التابع للملكة المتحدة .. كلهم بيعترفوا باختبار الـIELTS  لقياس مستواك في تعلم اللغة الإنجليزية.. ده غير أكثر من  6000 مؤسسة تانية، من مختلف المؤسسات في جميع أنحاء العالم. ?

مين بيعترف بشهادة ال  TOEFL ؟
المؤسسات التعليمية فى الولايات المتحدة الأمريكية بشكل خاص وبعض المؤسسات فى بريطانيا ونيوزيلندا وكندا وغيرها .. ولكن تُعتبر شهادة التوفل هي الأساس للقبول فى كل الجامعات الامريكية تحديداً.. ?

كمل معايا المقالة علشان تعرف إزاي تقدر تذاكر لامتحان الـ TOEFL وامتحان الـ IELTS وتفاصيل أكتر عن الفرق بينهم 😉

لقراءة الجزء التاني من المقاالة اضغط بالأسفل   ????

اختبر مستواك في الإنجليزي من هنا: http://bit.ly/Placement-English-Test
.



One Reply to “رأي الحكيم تيمبو في امتحانين IELTS و TOEFL ومين أفضل؟ 1”

Leave a Reply

Your email address will not be published.