إزاي تاخد شهادات إنجليزي من جامعات عالمية من بيتك مجانًا 1

أهلًا بيكم ورجعتلكم من تاني مع مقال جديد ومميز عاملين إيه؟
وحشتوني جدًا ^__^

بتجيلي تعليقات كتير منكم .. إنكم مش عارفين تاخدوا شهادات موقع coursera المقدمة من الجامعات العالمية زي كاليفورنيا وواشنطن مجانًا اللي بنزلكم مقالات عنها




فـ علشان كدا قررت أشرحلكم بالتفصيل الممل إزاي تاخدوا الشهادات دي مجانًا من بيتك

– في البداية موقع Coursera هو واحد من أفضل المواقع اللي بتقدم كورسات online فـ مجالات كتير وبشهادات من جامعات عالمية ومجانية وبتدي ثقل للـ CV 
وده لينك الموقع https://www.coursera.org/ 

learn english Online
learn english Online


* ايه طبيعة الكورسات على موقع coursera يا تيمبو؟ 

1- كل كورس عبارة عن فيديوهات مش بتزيد مدة كل منها عن 10 دقايق عشان الناس اللي بتزهق بسرعة، وليهم English subtitles، وبعض الكورسات بتكون مترجمة للغة العربية كمان.

2- بعد م تخلص الفيديوهات بتحل امتحانات + تكليفات عشان تتضمن إنك فهمت الكورس ومطلوب تنجح فيها.




ملحوظة :- حتى لو مش بتعرف لغة إنجليزية كويس ف ده أحسن تدريب ليك وتحسين لمستواك .. كل م تقف معاك جملة اعرف معناها وهتلاقيها بتتكرر في الكورس. 

* مدة الكورس أد ايه ؟
بتبقى من 4 لـ 6 أسابيع حسب الكورس، وبتتفتح في مواعيد معينة مكتوبة في الكورس

* هسجل إزاي بقي؟ وآخد الشهادات ببلاش؟ 
هتلاقي ف االمقال طريقة التسجيل كلها بالصور وجنب الصور في شرح توضيحي
وبتأخد الشهادات ببلاش عن طريق الدعم المالي financial aid وده مش بيتعمل غير من اللاب أو Google chrome على الموبايل (يعني مش بيتعمل من أبليكشن كورسيرا)
.
* ايه شروط الحصول على الشهادة وهستلمها إزاي ؟ 
– الشروط بسيطة .. إنك تخلص الكورس وتنجح ف الامتحانات والتكليفات
– وهتظهرلك الشهادة على الموقع نفسه وممكن تطبعها من أي مكتبة على ورق كوشييه “ورق مقوى”

* طب ما ممكن حد يفبرك الشهادات دي ! ايه قيمة الشهادة ؟ 
أولًا:- حصولك على الشهادة بدون ما تكون استفدت من الكورس شيء ملهوش معنى ! 

ثانياً :- لو بصينا في أي شهادة coursera هتلاقي على الشمال من تحت لينك الشهادة الخاص بيك .. فـ لما بتقدم الشهادة دي مع الـ CV أي حد يقدر يفتح الموقع ويشوف الشهادة بنفسه على الموقع
– بالإضافة إن كونك متعلم ذاتي ده ميزة مهمة لإن عمر الشغل ما بيعلمك كل حاجة، ف هما بيدوروا على شخص بيتعلم لوحده عشان ميتعبهمش ^^





كملوا معايا المقال المميز ده من حبيبكم تيمبو عشان تعرفوا خطوات الدعم المالي على موقع كورسيرا بالصور للحصول على شهادات من جامعات عالمية مجانًا يا أحلى فانز في الدنيا <3 🙂

لتكملة قراءة الجزء الثاني من المقالة اضغط بالاسفل ???

اختبر مستواك في الإنجليزي من هنا: http://bit.ly/Placement-English-Test
تعليم اللغة الإنجليزية

6 Replies to “إزاي تاخد شهادات إنجليزي من جامعات عالمية من بيتك مجانًا 1”

  1. انا حبي الدروس انجليزي من أجل أحقق حلمي
    اولا ان اتعلم اللغه وثاني أريد أن تعلم انجليزي وتعلم السات وداخل الجامعة انا متزوج ولدي الرابعة الأطفال وحبي تعلم وعلما أولاد وأكون فخرا اللهم والحقق حلمي والدخل الجامعة

Leave a Reply

Your email address will not be published.