انا مبعرفش استخدم الكلمات وأنا بتكلم انجليزى ا اليك الحل

تعلم اللغة الانجليزية من المنزل

الكتير من المتدربين لما بيجي بيتعلم يتكلم انجليزي بيبقا حافظ كلمات كتيييره جدا لكن لما يبدأ يعمل Conversation مع حد بيبدأ كويس ويجي في نص الكلام مش بيبقا عارف معاني كلمات كتيره عربي في دماغه او بيكون عارف معناها بالانجليزي لكن للاسف بينسي معني ترجمتها بالانجليزي ودا راجع لـ سببين مهمين 

السبب الاول:  انه بيكون مضغوط .. بسبب ان كل تفكيره

 انا وسط جروب من الناس وكلهم بيبصولي وانا بتكلم .. طيب انا بنطق صح ولا غلط؟ … هل الناس دي عاجبهم اللي انا بقوله؟

 

السبب التاني: حفظ الكلمة كــ كلمة

ان لو مثلا حفظت كلمة زي ان يسافر معناها Travel وخلاص ف انت طبيعي تنساها بعد كدا لانك مش ربطت معني الفعل دا بصوره ودخلت الفعل دا في جمل كتيره مختلفة وبالتالي طبيعي جدا هتنساة

مالحل؟ 

الحل هوا انك تتغلب علي المشكلتين اللي تكلمنا عليهم في أول المقاله ودي الحلول اللي تيمبو بيشرحها ليك :

الحل الأول : Practice, Practice, Practice مارس الانجليزي كل يوم ..  فيه عدد مهول من التطبيقات في جوجل بلاي وفي السيرش لو بحثت عنهم كلهم عليهم ناس عاوزه تتعلم كل يوم انجليزي.. ادخل واتكلم معاهم بشكل يومي حتي لو وقت قصير

الحل التاني : بلاش تفكر ياريت انا بنطق صح ولا غلط .. الموضوع أبسط من كدا بكتير الناس دي ميهماش دا كله ولا هيقوللك انت بتنطق غلط ويزعقوا والحاجات الغريبه اللي عقلك ديما بيهيأها ليك

ببساطة شديدة وانت بتتكلم مع بالانجليزي هتلاقي فيه كلام كتيييييير جداا مش عارف معناه كل اللي عليك انك هتدور علي معناه في اي قاموس سواء Oxford or Cambridge or even Google translate

وتجيب معني الكلام دا وتكتبه في ورقه .. وبعد ماتخلص المحادثه خالص هتبدأ تراجع علي الكلمات الجديده الل يدورت عليها واتعلمتها وتسمعها كذا مره وتربطها بصوره ذهنيه لحد ماتثبت معاك. وتقدر كل تلات ايام تراجع علي الكلمات الجديده اللي عرفتها يوميا بشكل علمي واللي بحثت عنها بنفسك.

 

شكرا علي قرائتك هذا المقال ولا تنسي مشاركته مع اصدقائك حتي تعم الفائده 🙂

Leave a Reply

Your email address will not be published.