رحلتك لدخول امتحان الـ IELTS من بيتك مجانًا! 1

تعليم اللغة الانجليزية من المنزل

ناس كتير مننا أما بتسمع عن امتحان الـ IELTS بتخاف وتقول ده صعب أوي أكيد مش هعديه .. وفي ناس تانية متعرفش يعني إيه امتحان IELTS أصلًا وإيه أهميته ودوره في مساعدتك لتعلم اللغة الإنجليزية ووصولك لمستوى عالي؟ وامتى المفروض ناخد الامتحان ده وامتى يكون مش لازم؟ ?

learn english Online
learn english Online

ومما لاشك فيه إن أغلبنا بيتوه في وسط المصادر الكتيييير اللي على النت ومبنبقاش عارفين نذاكر من إيه ونسيب إيه ونبدأ منين فبتكون النتيجة إننا بنزهق ومنبدأش مذاكرة من الأساس 🙁




أسألة كتير بتدور في ذهن كل واحد مننا وبعد أبحاث كتير مني قدرت أوصل للإجابات وهعرضهالكم النهاردة عشان تستفيدوا منها ^__^

يعني إيه IELTS ؟
هو اختصار  International English Language Testing System وهو واحد من أشهر امتحانات تحديد المستوى في اللغة الإنجليزية على مستوى العالم كله ومعترف بيه في أي مكان وبيدي شهادة معترف بيها أيضًا 😀

امتحان الـIELTS عبارة عن إيه؟
هو عبارة عن مجموعة من الأسألة بتقيس مهاراتك ومستواك في اللغة الإنجليزية في أربع مهارات أساسية وهم التحدث Speaking والاستماع Listening والقراءة Reading والكتابة Writing ?

طب هحتاج أدخل امتحان Ilets امتى؟
لو هتقدم على منحة أو هتدرس بكالريوس أو ماجستير أو دكتوراة أو في شغل طالبه كشرط أساسي للقبول سواء في مصر أو خارج مصر أو لو هتقدم لشركات Multinational أو لحكومات  بتقبل طلبات الهجرة لدول برة .. إلخ




غير كدا مش هتحتاج تاخده 😉 ووفر فلوسك واكتفي بتعلم اللغة الإنجليزية ووصولك لمستوى كويس فيها لإن الامتحان غالي وشهادته صلاحيتها سنتين بس وبعدها لازم تعيده من أول وجديد ?
[expander_maker id=”4″ more=”تكمله القراءة”]

أنت يا تيمبو بتقول إن امتحان Ilets  غالي طب يعني سعره كام بالضبط؟
رسوم إجراء امتحان IELTS من 1 أبريل 2018 هتكون 2600 جنيه. 😀

وفي رسوم إضافية:
تغيير موعد الامتحان – 100 جنيه مصري
الاستفسار عن النتائج / إعادة التصحيح – 1200 جنيهاً مصرياً
نموذج إضافي لتقرير نتائج الامتحان – 100 جنيه مصري

لو مستوايا مبتدأ ينفع أدخل امتحان Ilets ؟

لا .. لازم يكون مستواك عالي في الأربع مهارات اللي اتكلمنا عليهم في اللغة الإنجليزية علشان تقدر تدخل الامتحان وتنجح فيه على الأقل الحد الأدنى من درجات الامتحان اللي هي 5.5
وفي منح أو شغل بيطلبوا فيها درجات معينة للقبول لازم تجيبها!

ف نصيحتي ليك .. لو مستواك مبتدأ يبقى اتعلم لغة إنجليزية كويس الأول علشان تكون مستعد للامتحان بدل ماتضيع فلوسك ووقتك على الفاضي وأنت عارف إن مستواك ضعيف ولا يؤهلك لدخول الامتحان 🙁

طب المفروض بمتحن الـ IELTS فين؟
الامتحان ده بيتعمل في المجلس الثقافي البريطاني British Council وموجود في 6 مواقع بمصر
لو أنت من القاهرة فهتلاقي مكان المجلس الثقافي البريطاني في منطقة العجوزة-الجيزة
ولو من الإسكندرية، والمنصورة، وبورسعيد (منطقة القناة)، وطنطا، والأقصر أكيد بردو هتلاقي مقر للمجلس الثقافي البريطاني عندك
وهنا هتلاقي المواقع بالضبط في اللينك ده ??
https://www.britishcouncil.org.eg/exam/ielts/dates-locations

كمل معايا المقالة علشان تعرف إزاي تقدر تذاكر لامتحان الـ IELTS وتجيب فيه درجات عالية بسهولة ومجانًا 😉

لقراءة الجزء التاني من المقاالة اضغط بالأسفل   ????

اختبر مستواك في الإنجليزي من هنا: http://bit.ly/Placement-English-Test
[/expander_maker]



2 Replies to “رحلتك لدخول امتحان الـ IELTS من بيتك مجانًا! 1”

Leave a Reply

Your email address will not be published.