ازاي تتعلم انجليزي في اسرع وقت ممكن

ناس كتير بتبقى عايزة تتعلم لغة إنجليزية ومش بتكمل .. وده سببه إنهم مش عارفين هما بيذاكروها ليه ومش مقدرين أهمية تعلم اللغة الإنجليزية
فقبل ما أقولك إزاي تتعلم لغة إنجليزية وتتكلمها بطلاقة
تعالى نعرف احنا ليه لاااااااازم نتعلمها؟
أي وظيفة بمرتب كويس بيكون شرط أساسي فيها اللغة الإنجليزية
لو عايز تقدم على منحة لازم تكون ممتاز في اللغة الإنجليزية
لو عايز تاخد كورس أونلاين بمحتوى كويس فمش هتلااقي غير الكورسات اللي باللغة الإنجليزية على منصات أجنبية زي Lynda, Coursera, Edx, Udacity وغيرهم
لو بتحضر ماجستير أو دكتوراة فأكيد محتاج لغة إنجليزية .. وهكذا

الخطوة الأولى:

learn english Online
learn english Online

بعد ماعرفت أهمية تعلم اللغة الإنجليزية دلوقتي لازم تعرف أنت مستواك إيه عشان تحدد نقاط ضعفك وقوتك وتذاكر على أساسها
ده موقع تحديد المستوى : 
http://bit.ly/Placement-English-Test

الخطوة التانية:
هات ورقة وقلم واكتب أهدافك من تعلم اللغة الإنجليزية سواء كان هدفك وظيفة أو سفر أو حد بيتكلم بطلاقة نفسك تكون زيه زيي أنا كـ Tempo طبعًا ^__^

الخطوة الثالثة:
لازم تعرف الـ 3 عمدان الرئيسية للغة عشان تقوي نفسك فيهم
وهما: الكلمات Words
القواعد Grammar
النطق Pronunciation
وكلهم بيكملوا بعض مينفعش تذاكر كلمات فقط من غير قواعد لانك ساعتها مش هتعرف تكون جملة سليمة
ومينفعش تكون جمل سليمة ومتعرفش تنطقها صح
ودلوقتي هتكلم معاك عن كل نقطة بالتفصيل

الكلمات Words:

learn english Online
learn english Online

لو فضلت تحفظ بالطريقة التقليدية اللي هي flower يعني وردة وbook يعني كتاب هتنسى الكلمات بسرعة 
ف أفضل طرق لحفظ الكلمات وتعلم اللغة الإنجليزية 
أولًا: إنك بتحط الكلمة في جملة زي ماشرحتلك قبل كدا
يعني متحفظش إن فعل hate يعني يكره لوحده
لا .. هتحطه في جملة زي I hate apples (أنا بكره التفاح)
ثانيًا: تكرر الجمل دي كتير جدًا على أد ما تقدر

القواعد Grammar:

learn english Online
learn english Online

القواعد مش بتتحفظ بس زي ماعلمونا في المدارس .. القواعد لازم تتفهم وتتطبقها
ومينفعش تقول إن مذاكرة الجرامر مش مهمة لانك ببساطة من غيره مش هتعرف تكون جمل سليمة أبدًا
وأسهل طريقة عشان تتعلم بيها جرامر أسرع هي قراءة القصص والروايات الأنجليزية

النطق Pronunciation:
عيب عليك تكون حريف في اللغة بس بتنطق غلط لإن ده ممكن يخلي كلامك مش مفهوم للي أدامك على الإطلاق
حدد في الأول اللهجة اللي هتتعلمها سواء
اللهجة البريطانية British accent وهي لهجة رسمية أكتر
أو اللهجة الأمريكية American accent وهي زي اللهجة العامية عندنا بتكون اللغة الدارجة أكتر في الأفلام والأغاني

وابدا اسمع نطق كل كلمة من قاموس ناطق زي ده  https://dictionary.cambridge.org
خد بالك متسمعش الكلمة من القاموس مرة وخلاص .. لا أنت لازم تسمعهم أكتر من مرة وترددهم وراه عشان تتعود على طريقة النطق الصح
.
تعليم اللغة الانجليزية
.

عجبتك المقاله؟ شاركها االان مع اصدقائك.

Leave a Reply

Your email address will not be published.