اتعلم إنجليزي من داخل السفارة الأمريكية ببلاش 1

تعليم اللغة الانجليزية من المنزل

بما إننا خلاص بقينا أصحاب وعشرة عمر فأنا قررت أفسحكم فسحة مختلفة عن أي حد 😉
واخترت مكان الفسحة دي بناءً على أسئلتكم وطلباتكم .. ديمًا بتقولولي عايزين نمارس اللغة الإنجليزية يا تيمبو .. مستقبلنا بيضيع يا تيمبو :/ .. وأنا ميرضنيش أسيبكم كدا 🙂

فإيه رأيكم لو نروح السفارة الأمريكية ونتعلم لغة إنجليزية؟
[expander_maker id=”3″ more=”تكمله القراءة” less=”Read less”]

شايفك ياللي متنح وبتزعق وبتقولي مش معايا دولارات أدفعها-_-
هقولك هي بتقدملك خدمات هايلة وكلها مجانًا يا أصحابي ^__^

learn english Online
learn english Online

اقرأ المقال ده لآخره عشان تعرف نظام وأنشطة السفارة الأمريكية وإزاي ممكن تتعلم لغة إنجليزية من خلالها ?

بص يا سيدي السفارة عاملة تدريب للمصريين علشان تروح تتكلم مع أمريكان هناك وجهًا لوجه وببلاش .. ده غير أنشطة تانية كتيير هقولك عليها 😮

طبعًا أنتم بتسألوا دلوقتي الحاجات الحلوة دي كلها مكانها فين في السفارة؟
هي في (Information resource center (IRC
أو مكتبة السفارة الأمريكية وهي داخل السفارة الأمريكية، خلف مجمع المحاكم فى ميدان التحرير- القاهرة .. وأقرب محطة ليها هي مترو السادات انزل واسال على السفارة وألف من هيدلك

مميزات أنشطة مكتبة السفارة الأمريكية:
طبعًا لما تتكلم مع أمريكان وأصحاب اللغة الأصليين غير أما تسمع إنجليزي أبلة ميرفت خالص ?

وأكيد هما مش هيتريقوا عليك لو غلطت بالعكس هيصححولك النطق وهتستفيد منهم جدًا سواء في اللغة أو إنك هتتعامل مع ثقافات مختلفة وغيره من الحاجات الجميلة اللي هتكتشفوها هناك
والأهم من تعلم اللغة الإنجليزية إن في هناك نت ببلاش وسرعته عالية جدا <3 ?

لو معندكش لاب هتلاقي هناك أجهزة آبل تقدر تقعد على أى جهاز و تتصفح الإنترنت براحتك .. يلا يا عم عشان متزعلش 😉

الناس اللي بتحب الكتب والقراءة عمرنا ما هننساكم طبعًا .. المكتبة غنية بالكتب المختلفة فى مختلف المجالات وتقدر تستعير كتب كمان 😀

أوعى متحضرش الإيفنتات والمحاضرات والاجتماعات القيمة اللي بتتعمل هناك في مختلف المجالات وأبرزها المنح والتعلم في الخارج هزعل منك جدًا -_-

الناس اللي ملهاش في القراية وبتحب تلعب مش هننساهم هنا في ألعاب ذكاء وألعاب تساعدك في تعلم اللغة الإنجليزية

ده غير شاشات العرض اللي بتعرض أحدث الأفلام الأجنبية اللي متفرقش عن السينما كتير في جمالها

وفي مفآجآت تانية كتييييير هسيبهالكم تعرفوها أما تروحوا وتيجوا تحكولي عنها ^^

لمشااهدة بااقي المقااالة ااضغطط عليي   Continue Reading بالأسفل ???

[/expander_maker]

اختبر مستواك في الإنجليزي من هنا: http://bit.ly/Placement-English-Test

30 Replies to “اتعلم إنجليزي من داخل السفارة الأمريكية ببلاش 1”

  1. هل تقصد الجامعة الأمريكية اللي في التجمع الخامس أم اللي في محطة مترو السادات . وشكراً

  2. فكره جميله ورائعه أريد ان اكتسب المزيد ف اللغه الانجليزيه

Leave a Reply

Your email address will not be published.