اتعلم إنجليزي عن طريق الألعاب مع تيمبو 1

تعليم اللغة الانجليزية من المنزل

أهلًا بيكم ورجعتلكم من تاني مع مقال جديد ومميز عاملين إيه؟
وحشتوني جدًا ^__^ وعلشان تفاعلكم الدائم معايا وحبكم في تعلم اللغة الإنجليزية وتطوير نفسكم ومستواكم فيها فأنا جايبلكم النهاردة حاجات هتساعدكم جدًا في تعلم اللغة الإنجليزية 😉




النهاردة قررت أخليكم تلعبوا .. كفاية مذاكرة للغة الإنجليزية بقى .. أنا زهقتلكم 😀
علشان ديمًا فيه طفل جوا كل واحد فينا بيحب يلعب فمفيش مانع لو نتعلم لغة إنجليزية بشكل ممتع وفعال ومسلي عن طريق الألعاب بدل من المذاكرة بالطريقة النظرية التقليدية المملة

طيب علشان مطولش عليكم ندخل في الموضوع علطول

أنا لكوني تيمبو حبيب الملايين <3 جمعتلك أشهر مواقع موجودة على النت هيساعدوك في تعلم وممارسة اللغة الإنجليزية بشكل ممتع وفعال ومفيد ومسلي أكيد بكل سهولة عن طريق الألعاب .. وكل ده وأنت قاعد في بيتك وطبعًا زي ما عودتكم كل حاجة بقدمهالكم بتكون مجانًا تمامًا 😉

هنبدأ نتكلم عن كل موقع ومميزاته من مواقع مجموعة من الألعاب الرائعة اللى هتقدروا من خلالها تحسنوا من مستواكم في اللغة الإنجليزية عن طريق تخمين الكلمات وترتيب الحروف والتوصيل وكتير من الألعاب المسلية اللى أنا واثق ومتأكد إنها هتعجبكم جدًا 
والجميل إن كل الألعاب دي
 أونلاين ومجانًا ^^
يلا نتكلم عن كل لعبة وموقع منهم على حدى بشيء من التفصيل 😀

1- Learn to Spell

learn english Online
learn english Online


لعبة لذيذة جدًا، هتلاقوا فيها الكلمات مقسومة لنصين وكل نص في صف وأنت كل اللي عليك إنك بتختار كل نص مع النص المناسب ليه في الصف التاني، وكمان في صور جميلة وممتعة هتساعدك على تخمين الكلمة الصحيحة. 
* وده لينك الموقع علشان تجربوه: http://bit.ly/1KinKDf

2- موقع Business Word Search Puzzle




موقع مميز للناس اللي بتحب البيزنس لإن فيه مجموعة كبيرة جدًا من الحروف موجودة على شكل مربع والحروف دي لو بدأت تجمعها هتكون كلمات ليها علاقة بالبيزنس. ??
* وده لينك الموقع علشان تجربوه: http://bit.ly/1KioWGI

3 – Animal Word Scramble
مين فيكم بيحب الحيوانات وبيربيها زيي؟ 😀 <3
الموقع ده ليكم .. هو عبارة عن كلمات لأسماء الحيوانات، الكلمات مش مترتبة .. وأنت المطلوب منك ترتبها .. هتقولي طب هعرف منين لو إجابتي صح ولا غلط خصوصًا على الكلمات الصعبة؟ :O
هقولك هتلاقي الحلول موجودة في الكلمات الصعبة يعني ملكش حجة 😉 .. 
أنصحكم تجربوه 🙂

* وده لينك الموقع علشان تجربوه: http://bit.ly/1Kioqsi

أكيد كلكم تحمستوا علشان تعرفوا باقي المواقع المسلية اللي تقدروا من خلالها تتعلموا لغة إنجليزية عن طريق الألعاب بشكل فعال أكتر وأونلاين ومجانًا ..كملوا معايا المقال المميز ده من حبيبكم تيمبو عشان تعرفوهم 🙂

لتكملة قراءة الجزء الثاني من المقالة اضغط بالاسفل ???

اختبر مستواك في الإنجليزي من هنا: http://bit.ly/Placement-English-Test
تعليم اللغة الإنجليزية




.

Leave a Reply

Your email address will not be published.