اتعلم إنجليزي من جامعة كاليفورنيا وأنت في بيتك ببلاش

طبعًا عارف جامعة California .. وأكيد عارف إنك لو حبيت تدرس هناك هتدفع مبلغ وقدره

بس اللي أنت متعرفهوش بقى إنك دلوقتي ممكن تتدرس عن طريقها لغة إنجليزية ببلاش من وأنت في بيتك وممكن تاخد شهادة مجانية كمان!
وده عن طريق موقع Coursera اللي بيقدم كورسات قيمة في مجالات مختلفة أونلاين من جامعات عالمية مجانية وبشهادة
تعليم اللغة الانجليزية - تعلم اللغه الانجليزية من المنزل - تكلم اللغه الانجليزية بطلاقه - Learn English Online - Online English Conversations
والكورس اللي هنتكلم عنه بصفة خاصة النهاردة
هو Grammar and Punctuation

وده بيعلمك أساسيات الجرامر + علامات الترقيم ودي حاجة لازم تتعلمها خصوصًا لو بتكتب الـ CV بتاعك أو مقدم على منحة
وهنا مش بنتكلم على إنجليزي أبلة ميرفت .. احنا بنتكلم عن علم بجد مُقدم من أساتذة كبار في جامعات عالمية وكنز أدامك لازم تستفيد منه!
ندخل في المهم .. هقولك إزاي تقدر تستفيد من الكورس ده

تعليم اللغة الانجليزية - تعلم اللغه الانجليزية من المنزل - تكلم اللغه الانجليزية بطلاقه - Learn English Online - Online English Conversations

الخطوة الأولى:
هتدخل علي موقع Coursera 
وتعمل حساب على الموقع عن طريق sign up زي ماموضح في أعلى الصورة

الخطوة التانية:
هتدخل على لينك الكورس
https://www.coursera.org/learn/grammar-punctuation
وهتظهرلك صفحة الكورس

الخطوة الثالثة:
لو عايز تستفيد بمحتوى الكورس المجاني من غير شهادة هتدوس على كلمة Enroll اللي بالأزرق
أما لو عايز تستفيد من محتوى الكورس المجاني + تاخد شهادة مجانية يبقى قبل ماتدوس على Enroll .. هتختار الأول apply for financial aid وتجاوب على مجموعة أسئلة بسيطة عشان تحصل على الدعم المادي اللي بيخليك تاخد شهادة مجانية.تعليم اللغة الانجليزية - تعلم اللغه الانجليزية من المنزل - تكلم اللغه الانجليزية بطلاقه - Learn English Online - Online English Conversations

 

الخطوة الرابعة:

اما تدوس Enroll هتلاقي الكورس عبارة عن مجموعة فيديوهات بتتراوح مدتها من 3 لـ 5 دقايق فقط وده بيخليك تتعلم اللغة الإنجليزية بشكل ممتع ومتزهقش بسرعة
ومش بس كدا ده كمان الشرح اللي المحاضر بيقوله بيكون مكتوب تحت الفيديو زي ما موضح في الصورة عشان تقدر تسمع وتقرأ في نفس الوقت وده هيساعدك في تحسين اللغة الإنجليزية جدًا وفهم الكورس بشكل أفضل
وبكدا يبقى ضربت عصفورين بحجر واحد اتعلمت لغة إنجليزية عن طريق الاستماع والقراءة وفي نفس الوقت استفدت من محتوى الكورس
تعليم اللغة الانجليزية - تعلم اللغه الانجليزية من المنزل - تكلم اللغه الانجليزية بطلاقه - Learn English Online - Online English Conversations

الخطوة الخامسة:
بتحل امتحانات بسيطة (اختيار من متعدد) عشان يقيسوا مدى فهمك للكورس

ونصيحة أخيرة من Tempo ليك عشان تتعلم لغة إنجليزية من الكورس ده بفاعلية لازم يكون معاك ورقة وقلم وأنت بتذاكره وتكتب ملحوظات ورا المحاضر بلااش تذاكره شفوي لانك هتنساه ويبقى كأنك معملتش حاجة.

وبكدا مبروك عليك الاستفادة من الكورس وتعلم اللغة الإنجليزية والشهادة الجميلة دي
تعليم اللغة الانجليزية - تعلم اللغه الانجليزية من المنزل - تكلم اللغه الانجليزية بطلاقه - Learn English Online - Online English Conversations

عجبتك المقاله؟ شاركها االان مع اصدقائك.

 

14 Replies to “اتعلم إنجليزي من جامعة كاليفورنيا وأنت في بيتك ببلاش”

  1. ده كلام جمييييل وزي العسل
    واحنا بنحييكم وبنسعد بلقياكم

Leave a Reply

Your email address will not be published.