ازاي تحفظ 150 كلمة الاسبوع دا من غير ماتنساهم

حفظ الكلمات سهل جدا لكن المشكلة انك تفتكر الكلمات اللي حفظتها وتعرف تستخدمها وقت ماتحتاجها في أي محادثة. في هذه المقاله نقدم لك افضل Tips لكي تتذكر الكلمات دائما.

1. متحفظش كلمة ولكن احفظ جملة كاملة تحتوي علي الكلمة.

فمثلا كلمة : Reluctant تعني انه ملوش مزاج يعمل أي شئ . فممكن تقول I’m reluctant to do my homework وكررها كذا مره.

 

2- احفظ الكلمات بالمشاعر

مثلا كلمة Reluctant اللي لسه قايلينها واللي معناها انه ملوش اي مزاج ودخلناها في جمله وقلنا I’m reluctant to do my homework  انت وانت بتنطق الجمله دي انطقها ب نبرة انك مخنوق وزهقان وحاسس بالملل.

 

3. انسي الكلمات القديمة

مثلا انت حفظت قبل كدا ان ينهي يعني Finish  لكن لما نيجي لكمة جديده زي Get through واللي معناها ينهي برده ف مش تستخدم برده Finish بعد كدا! وابدأ استخدم كلمة Get through بدالها.

4. اختراع ال Sticky notes

لاوح اي مكتبه قريبه منك واشتري  Sticky notes تمنها مش بيعدي ال 8 جنية. هتبدأ بأوضتك في البيت .. هتبص لكل حاجه في اوضتك من أول التسريحة والكومدينو لحد السرير وكل لما تشوف حاجه في اوضتك تسأل نفسك هيا اسمها اية بالانجليزي؟ وتبحث عن معناها

فمثلا:   لو مش عارف معناها كرسي يعني ايه فهتبحث عنه هتلاقي معناه Chair هتروح علي ال Sticky notes اللي اشتريتها وتكتب عليها عليها Chair وتعلقها علي الكرسي .. وهكذا مع باقي الحاجات اللي في اوضتك

راقب نفسك لمدة اسبوع: هتلاقي كل الحاجات اللي في اوضتك عرفت معناها وتقدر تنقل بعد كدا لحاجة جديدة.

5. احفظ الكلمات بشكل مرئى

لو قلتلك دلوقتي Dog ف انت طبيعي هتتخيل كلب 😀 . ودا المطلوب مع اي كلمة جديده هتحفظها لازم تتخيل شكلها وتعلمها بشكلها مش مجرد  انها كلمة حفظتها وخلاص

6. حد يفكرّك

فيه تطبيق للموبيل اسمه Ankidroid التطبيق دا هيساعدك جدا انك تضيف فيه الكلمات الجديدة وهوا هيعرضها ليك بشكل عشوائي ويفكرك بيها ديما.

Leave a Reply

Your email address will not be published.