7 خطوات لو عملتهم هتبقى محترف في الإنجليزي

بتتوه في وسط مصادر تعلم اللغة الإنجليزية الكتيييير اللي على النت ومش عارف تذاكر من إيه ولا من إيه؟ وفي الآخر بتكسل ومبتذاكرش؟

لو أنت من الناس اللي بتعاني من المشاكل دي يبقى ركز معايا في السبع خطوات السحرية المقدمة من AJ Hoge

وأوعدك لو نفذتهم بالحرف هتبقى محترف في اللغة الإنجليزية

[expander_maker id=”2″ more=” Continue Reading” ]

بص ياسيدي ..

الخطوة الأولى:
اتعلم جمل .. مش كلمات 
يعني متحفظش إن Apple يعني تفاحة وتسكت لانك كدا هتنساها بسرعة
شايفك وأنت بتزعق وبتقولي أمال هعمل إيه؟؟

هقولك .. حطها في جملة زي كدا He hates apple
يعني هو يكره التفاح
أنت كدا مش بس عرفت معنى كلمة تفاحة  .. لا ده أنت عرفت معلومتين جداد كمان
1- إن hate فعل بمعنى يكره
2- إن فعل hate أخد حرف ال s في آخره لاننا بنتكلم في زمن المضارع البسيط present simple .. والفعل في الزمن ده لو جه قبله ضمير مفرد زي he (هو) أو she (هي) أو it (هو أو هي لغير العاقل) لازم ياخد حرف الs
وبالطريقة دي أصبح تعلم اللغة الإنجليزية مش مقتصر على كلمات بس لا كمان جمل وgrammar

learn english Online
learn english Online

الخطوة التانية:

أوعى تذاكر Grammar!

كلنا أخدنا جرامر في المدارس لكن كله كلام نظري بس مش عارفين نطبقه واحنا بنتكلم لإن وأنت بتتكلم معندكش وقت تفكر في كل قواعد الجرامر اللي أخدتها وأنت بتتعلم لغة إنجليزية
على عكس الكتابة بيكون عندك متسع من الوقت للتفكير في قواعد الجرامر
طب الحل إيه؟

1- هنسمع ناس بتتكلم إنجلش كتير عن طريق قصص أو كتب صوتية وغيره .. زي مقالات الاستماع اللي أنا ببعتهالك كل يوم
2- هتقرأ قصص باللغة الإنجليزية .. مش كتب لتعلم الجرامر واللغة الإنجليزية .. القصص هتساعدك أكتر في تعلم اللغة الإنجليزية بشكل فعال وأنت مستمتع مش زهقان

.

الخطوة الثالثة:

اتعلم بودانك مش بعينك

لو عايز تتكلم وتتعلم لغة إنجليزية كويس يبقى كلمة السر هي الاستماع

لازم تستمع لكتب وقصص صوتية زي ما أنا ببعتلك على مدار اليوم كتير ولو نص ساعة كل يوم هتفرق معاك كتير بعد شهر

learn english Online
learn english Online

الخطوة الرابعة:

التكرار يعلم الشطااار

في الخطوات اللي فاتت قولتلك إنك لازم تستمع لكتب وقصص صوتية كتير على مدار اليوم
عايز أأكد عليك إني مقصدش إنك تسمع مرة أو اتنين أو لمدة أسبوع وتقول أنا كدا بقيت محترف ..

لا أنت لازم تسمع الكتاب الصوتي كل يوم كذا مرة وتفضل تكرر الطريقة دي على مدار شهوووور عشان متنساش وتتعلم لغة إنجليزية أفضل

الخطوة الخامسة:

اتعلم جرامر اللغة الإنجليزية من غير ما تدرسه
دراسة الجرامر عقدة لينا كلنا ومهما نحفظ القواعد بنرجع ننساها ومبنعرفش نطبقها
طب إيه رأيك لو قولتلك فكرة جديدة وسهلة لتعلم اللغة الإنجليزية وقواعدها؟
هتسمع القصص الصوتية وتغير الزمن اللي بتتكلم فيه يعني

لو القصة الصوتية بتحكي عن حاجة في زمن المضارع زي Ahmed goes to school by bus
أنت هتغير الزمن بتاعها وتخليه ماضي وهتقول Ahmed went to school by bus
وهكذا ..

كدا هتتعلم قواعد اللغة الإنجليزية وأنت بتتطبقها عملي فـ عمرك ماهتنساها أو تزهق من الطريقة دي لانها ممتعة جدًا

learn english Online
learn english Online

الخطوة السادسة:

اتعلم من مصادر حقيقية
اتعلم لغة إنجليزية من أهلها اللي بنسميهم native speakers  .. اسمع أخبار CNN – BBC دي بيقولها متحدثيين لغة إنجليزية أصليين
http://cnnradio.cnn.com

http://www.bbc.co.uk/radio
اسمع قصص من موقع Effortless English
http://www.effortlessenglish.libsyn.com
اسمع كتب وقصص صوتية من اليوتيوب أو زي ماببعتلك كل يوم

اضغط متابعه لتكملة المقالة

الخطوة السابعة:

أسئلة وإجابات
لو اعتمدت على نظام التلقين اللي اتعودت عليه في المدرسة زي إن المدرس بيقول حاجة وأنت بتكرر وراه يبقى عمرك ماهتتعلم صح
حول القصة لسؤال وإجابة

يعني مثلًا لو أنتت مدرس هتقول لطلابك there was a boy يعني كان هناك ولد .. ومش هتخليهم يكرروا الجملة وراك .. هتسألهم أسئلة سهلة جدًا على الجملة دي هتخليهم يتكلموا لغة إنجليزية زي ?is there a boy or a girl
كلهم هيقولولك بكل ثقة there was a boy
وبكدا هتخليهم يتكلموا ويتعلموا لغة إنجليزية وهما مستمتعين وبطريقة فعالة أكثر

learn english Online
learn english Online

ومبروك عليك بكدا هتكون اتعلمت لغة إنجليزية بشكل احترافي في سبع خطوات من AJ Hoge قدمها لكم Tempo ^__^

[/expander_maker]

عجبتك المقاله؟ شاركها االان مع اصدقائك.

4 Replies to “7 خطوات لو عملتهم هتبقى محترف في الإنجليزي”

Leave a Reply

Your email address will not be published.