رحلتك لدخول امتحان الـ TOEFL من بيتك مجانًا! 1

تعليم اللغة الانجليزية من المنزل

ناس كتير مننا أما بتسمع عن امتحان الـ TOEFL بتخاف وتقول ده صعب أوي أكيد مش هعديه .. وفي ناس تانية متعرفش يعني إيه امتحان TOEFL أصلًا




وإيه أهميته ودوره في مساعدتك لتعلم اللغة الإنجليزية ووصولك لمستوى عالي؟ وامتى المفروض ناخد الامتحان ده وامتى يكون مش لازم؟ ?

learn english Online
learn english Online

والأكيد طبعًا إن أغلبنا بيتوه في وسط المصادر الكتيييير اللي على النت ومبنبقاش عارفين نذاكر من إيه ونسيب إيه ونبدأ منين فبتكون النتيجة إننا بنزهق ومنبدأش مذاكرة من الأساس 🙁

أسألة كتير بتدور في ذهن كل واحد مننا وبعد أبحاث كتير مني قدرت أوصل للإجابات وهعرضهالكم النهاردة عشان تستفيدوا منها ^__^

يعني إيه TOEFL ؟
هو اختصار ( Test of English as a Foreign Language ) أي اختبار اللغة الإنجليزية كلغة أجنبية وهو واحد من أشهر امتحانات تحديد المستوى في اللغة الإنجليزية على مستوى العالم كله ومعترف بيه في أي مكان وبيدي شهادة معترف بيها أيضًا 😀




امتحان الـTOEFL عبارة عن إيه؟
هو عبارة عن مجموعة من الأسألة بتقيس مهاراتك ومستواك في اللغة الإنجليزية في أربع مهارات أساسية وهم التحدث Speaking والاستماع Listening والقراءة Reading والكتابة Writing ?

طب هحتاج أدخل امتحان TOEFL امتى؟
لو هتقدم على منحة أو هتدرس بكالريوس أو ماجستير أو دكتوراة أو في شغل طالبه كشرط أساسي للقبول سواء في مصر أو خارج مصر أو لو هتقدم لشركات Multinational أو لحكومات بتقبل طلبات الهجرة لدول برة .. إلخ>
غير كدا مش هتحتاج تاخده 😉 ووفر فلوسك واكتفي بتعلم اللغة الإنجليزية ووصولك لمستوى كويس فيها لإن الامتحان غالي وشهادته صلاحيتها سنتين بس وبعدها لازم تعيده من أول وجديد ?
[expander_maker id=”4″ more=”تكمله القراءة”]

لو مستوايا مبتدأ ينفع أدخل امتحان TOEFL؟

لا .. لازم يكون مستواك عالي في الأربع مهارات اللي اتكلمنا عليهم في اللغة الإنجليزية علشان تقدر تدخل الامتحان وتنجح فيه
ف نصيحتي ليك .. لو مستواك مبتدأ يبقى اتعلم لغة إنجليزية كويس الأول علشان تكون مستعد للامتحان بدل ماتضيع فلوسك ووقتك على الفاضي وأنت عارف إن مستواك ضعيف ولا يؤهلك لدخول الامتحان 🙁

كمل معايا المقالة علشان تعرف إزاي تقدر تذاكر لامتحان الـ TOEFL وتجيب فيه درجات عالية بسهولة ومجانًا 😉

لقراءة الجزء التاني من المقاالة اضغط بالأسفل   ????

اختبر مستواك في الإنجليزي من هنا: http://bit.ly/Placement-English-Test
[/expander_maker]



2 Replies to “رحلتك لدخول امتحان الـ TOEFL من بيتك مجانًا! 1”

  1. عملت testلتحديد المستوى النتيجه متقدم يعنى فوق المتوسط ارجو النصيحه لرفع مستواى وما هو البرنامج االذيساعدنى فى ذللك

Leave a Reply

Your email address will not be published.